பண்டைய ஞானத்தில் இருந்து மேலாண்மை மற்றும் நிறுவனக் கொள்கைகள்: கேவிஐஎம் வணிகப் பள்ளியில் 5 நாள் ஆசிரியர் மேம்பாட்டு பயிற்சி வெற்றிகரமாக நிறைவு

2026–2027 கல்வியாண்டை முன்னிட்டு, கோவை கே.வி. மேலாண்மை மற்றும் தகவல் ஆய்வு நிறுவனம் (KV Institute of Management and Information Studies – KVIM Business School), ராஷ்மிவத் எடுடெக் பிரைவேட் லிமிடெட் நிறுவனத்துடன் இணைந்து, "பண்டைய ஞானத்தில் இருந்து மேலாண்மை மற்றும் நிறுவனக் கொள்கைகள்" என்ற தலைப்பில் ஐந்து நாள் ஆன்லைன் ஆசிரியர் மேம்பாட்டு பயிற்சியை (Faculty Development Programme - FDP) ஜூலை 20 முதல் 24, 2026 வரை வெற்றிகரமாக நடத்தியது.

Google Meet தளத்தின் மூலம் தினமும் மாலை 7.00 மணி முதல் 8.00 மணி வரை நடைபெற்ற இந்த பயிற்சியில் மொத்தம் 71 பேர் பதிவு செய்து கலந்து கொண்டனர். பண்டைய சமய மற்றும் ஞான மரபுகளில் இடம்பெற்றுள்ள தலைமைத்துவம், மேலாண்மை மற்றும் நிறுவன நிர்வாகக் கொள்கைகளை நவீன கல்வி மற்றும் தொழில்துறை சூழலுடன் இணைத்து ஆசிரியர்களுக்கு அறிமுகப்படுத்துவதே இந்நிகழ்ச்சியின் முக்கிய நோக்கமாக இருந்தது.

இந்த ஐந்து நாள் பயிற்சிக்கும் Ashwinis Herbs and Foods நிறுவனத்தின் Founder மற்றும் CEO, மேலும் Rashmivat Edutech Consultancy Pvt. Ltd. நிறுவனத்தின் இயக்குநரான டாக்டர் மதன் சங்கர் முதன்மை விருந்தினராகவும், வளநபராகவும் பங்கேற்றார். பண்டைய ஞான மரபுகளில் உள்ள மேலாண்மை, தலைமைத்துவம் மற்றும் நிறுவன வளர்ச்சி குறித்த கருத்துகளை நவீன நிறுவனங்களின் செயல்பாடுகளுடன் தொடர்புபடுத்தி அவர் விரிவாக எடுத்துரைத்தார்.

முதல் நாள் இந்து சமயத்தில் இடம்பெறும் மேலாண்மை மற்றும் தலைமைத்துவக் கொள்கைகள் குறித்து விளக்கப்பட்டது. இரண்டாம் நாள் பைபிள் போதனைகளின் அடிப்படையில் பணிவான தலைமைத்துவம் மற்றும் நிறுவனச் சிறப்பை உருவாக்கும் நடைமுறைகள் பகிரப்பட்டன. மூன்றாம் நாள் குர்ஆனில் இடம்பெறும் நிறுவன நிர்வாகம், வணிக ஒழுக்கம் மற்றும் பொறுப்புணர்வு சார்ந்த கருத்துகள் விளக்கப்பட்டன.

நான்காம் நாள் புத்த மதம் மற்றும் ஜைன மதத்தில் இடம்பெறும் மனஅமைதி, சுய ஒழுக்கம், நிலையான மேலாண்மை மற்றும் சிந்தனையுடன் முடிவெடுக்கும் திறன் குறித்து பயிற்சி அளிக்கப்பட்டது. ஐந்தாம் நாள் சீக்கியம் மற்றும் பிற ஞான மரபுகளில் இடம்பெறும் மனிதநேய தலைமைத்துவம், சமத்துவம், சேவை மனப்பான்மை மற்றும் உலகளாவிய மேலாண்மை மதிப்புகள் குறித்து விரிவாக எடுத்துரைக்கப்பட்டது.

ஐந்து நாட்களும் ஆசிரியர்கள் ஆர்வமுடன் கலந்துகொண்டு விவாதங்கள் மற்றும் கருத்துப் பரிமாற்றங்களில் ஈடுபட்டனர். நெறிமுறை, நல்லாட்சி, மனிதநேய தலைமைத்துவம், குழு மேலாண்மை மற்றும் கல்வி நிறுவனங்களின் நிர்வாகத் திறனை மேம்படுத்தும் நடைமுறை அணுகுமுறைகள் குறித்து ஆழமான புரிதலை இந்தப் பயிற்சி வழங்கியது.

பயிற்சியை வெற்றிகரமாக நிறைவு செய்த தகுதியான பங்கேற்பாளர்களுக்கு மின்னணு சான்றிதழ்கள் வழங்கப்பட்டன. நிகழ்ச்சிக்கு பங்கேற்பாளர்களிடமிருந்து சிறந்த வரவேற்பும், நேர்மறையான கருத்துகளும் கிடைத்தன.

பண்டைய ஞானத்தை நவீன மேலாண்மை மற்றும் நிறுவன வளர்ச்சியுடன் இணைக்கும் சிறப்பான முயற்சியாக இந்த ஆசிரியர் மேம்பாட்டு பயிற்சி அமைந்தது. ஐந்து நாட்களும் தனது ஆழ்ந்த அறிவையும் அனுபவத்தையும் பகிர்ந்த டாக்டர் மதன் சங்கருக்கும், இந்த பயிற்சியை இணைந்து வெற்றிகரமாக ஏற்பாடு செய்த ராஷ்மிவத் எடுடெக் பிரைவேட் லிமிடெட் நிறுவனத்திற்கும் கேவிஐஎம் வணிகப் பள்ளி தனது மனமார்ந்த நன்றியை தெரிவித்துள்ளது.