வங்கக்கடல் காற்றழுத்த தாழ்வு எதிரொலி: 4 மாவட்டங்களில் அடுத்த 2 மணி நேரத்திற்கு மழை!
வங்கக்கடலில் உருவான காற்றழுத்த தாழ்வுப் பகுதி காரணமாக மயிலாடுதுறை, நாகப்பட்டினம், திருவாரூர், ராமநாதபுரம் உள்ளிட்ட மாவட்டங்களில் அடுத்த 2 மணி நேரத்திற்கு மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
Prasanth Subramani 
வங்கக்கடலில் உருவாகியுள்ள காற்றழுத்த தாழ்வுப் பகுதி காரணமாக, தமிழகத்தின் சில மாவட்டங்களில் அடுத்த 2 மணி நேரத்திற்கு மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
வடக்கு இலங்கை கடலோரப் பகுதிகளுக்கு அப்பால் உள்ள தென்மேற்கு வங்கக்கடலில் உருவான காற்றழுத்த தாழ்வுப் பகுதி தற்போது அதே பகுதிகளில் நிலவி வருகிறது. இந்த அமைப்பு இன்று (மே 13) மேலும் வலுப்பெறக்கூடும் என வானிலை ஆய்வு மையம் எச்சரித்துள்ளது.
மேலும், இந்த காற்றழுத்த தாழ்வுப் பகுதியின் மையத்திலிருந்து தெற்கு லட்சத்தீவு பகுதிகள் வரை தென் தமிழகம் வழியாக வளிமண்டல காற்றழுத்த தாழ்வுப் பாதையும் நிலவி வருகிறது.
இதன் தாக்கமாக, தென்கிழக்கு அரபிக்கடல் மற்றும் கேரள கடலோரப் பகுதிகளை ஒட்டிய லட்சத்தீவு பகுதிகளின் மேல் உருவாகியுள்ள வளிமண்டல சுழற்சியால் தென் தமிழகம் மற்றும் டெல்டா மாவட்டங்களில் மழைக்கு சாதகமான சூழல் நிலவுகிறது.
இந்த நிலையில், அடுத்த 2 மணி நேரத்திற்கு (காலை 10 மணி வரை) Tamil Nadu மாநிலத்தின் Mayiladuthurai, Nagapattinam, Thiruvarur, Ramanathapuram மாவட்டங்கள் மற்றும் காரைக்கால் பகுதிகளில் இடி, மின்னலுடன் கூடிய லேசானது முதல் மிதமான மழை பெய்யக்கூடும் என்று தெரிவிக்கப்பட்டுள்ளது.
