தமிழ்நாட்டில் தங்கம் விலை அதிரடி உயர்வு! தங்கம், வெள்ளி இரண்டும் ஏற்றம்
தமிழ்நாட்டில் இன்று தங்கம் மற்றும் வெள்ளி விலை அதிரடியாக உயர்ந்துள்ளது. 22 காரட் தங்கம் கிராமுக்கு ரூ.395 உயர்ந்து ரூ.14,600 ஆகவும், வெள்ளி கிலோ ரூ.2.60 லட்சமாகவும் உள்ளது.
Prasanth Subramani 
தமிழ்நாட்டில் தங்கம் மற்றும் வெள்ளி விலை இன்று அதிரடியாக உயர்ந்துள்ளது. தங்கத்தின் விலை ஒரே நாளில் கணிசமாக அதிகரித்துள்ள நிலையில், வெள்ளி விலையும் புதிய உச்சத்தை நோக்கி உயர்ந்துள்ளது.
22 காரட் தங்கம் ஒரு கிராம் நேற்று ரூ.14,205-க்கு விற்பனை செய்யப்பட்ட நிலையில், இன்று ரூ.395 உயர்ந்து ரூ.14,600 ஆக உள்ளது.
இதன்படி, 8 கிராம் கொண்ட ஒரு சவரன் 22 காரட் தங்கத்தின் விலை ரூ.1,16,800 ஆக உயர்ந்துள்ளது. 10 கிராம் தங்கத்தின் விலை ரூ.1,46,000 ஆக உள்ளது.
24 காரட் தங்கத்தின் விலையும் உயர்ந்துள்ளது. இன்று 24 காரட் தங்கம் ஒரு கிராம் ரூ.15,330 ஆகவும், 8 கிராம் ரூ.1,22,640 ஆகவும், 10 கிராம் ரூ.1,53,300 ஆகவும் உள்ளது.
மறுபுறம், வெள்ளி விலையிலும் கணிசமான உயர்வு ஏற்பட்டுள்ளது. வெள்ளி ஒரு கிராம் ரூ.260 ஆகவும், ஒரு கிலோ ரூ.2,60,000 ஆகவும் உள்ளது.
வெள்ளி விலை ஒரே நாளில் ஒரு கிலோவுக்கு ரூ.10,000 உயர்ந்துள்ளது. இதனால் தங்கம் மற்றும் வெள்ளி வாங்கத் திட்டமிடுபவர்களின் கவனம் இன்றைய விலை நிலவரத்தின் மீது திரும்பியுள்ளது.
தங்கம் மற்றும் வெள்ளி விலையில் ஏற்பட்டுள்ள இந்த திடீர் உயர்வு, நகை வாங்கும் பொதுமக்களுக்கும் முதலீட்டாளர்களுக்கும் முக்கியமானதாக அமைந்துள்ளது. தொடர்ந்து விலை மாற்றங்கள் ஏற்பட்டு வருவதால், நகை வாங்குவோர் அன்றைய விலை நிலவரத்தை கவனித்து முடிவெடுக்க வேண்டிய சூழல் ஏற்பட்டுள்ளது.
