ஹைதராபாதை வீழ்த்திய கொல்கத்தா – 7 விக்கெட்டுகள் வித்தியாசத்தில் அபார வெற்றி
ஐபிஎல் 2026 போட்டியில் ஹைதராபாத் அணியை கொல்கத்தா அணி 7 விக்கெட்டுகள் வித்தியாசத்தில் வீழ்த்தியது. 166 ரன்கள் இலக்கை 18.2 ஓவர்களில் எட்டியது.
Prasanth Subramani 
ஹைதராபாதில் உள்ள ராஜீவ் காந்தி சர்வதேச விளையாட்டுத் திடலில் நடைபெற்ற ஐபிஎல் 2026 தொடரின் 45-ஆவது லீக் போட்டியில், கொல்கத்தா அணி அபார வெற்றி பெற்றது.
இந்தப் போட்டியில் டாஸ் வென்ற ஹைதராபாத் அணி முதலில் பேட்டிங்கைத் தேர்வு செய்தது. அதன்படி களமிறங்கிய அந்த அணி, 19 ஓவர்களில் அனைத்து விக்கெட்டுகளையும் இழந்து 165 ரன்கள் எடுத்தது.
ஹைதராபாத் அணிக்காக டிராவிஸ் ஹெட் அதிரடியாக விளையாடி, 28 பந்துகளில் 61 ரன்கள் எடுத்து அணியின் ஸ்கோரை உயர்த்தினார்.
பின்னர் 166 ரன்கள் என்ற இலக்கை நோக்கி களமிறங்கிய கொல்கத்தா அணி, நிதானமாகவும் அதிரடியாகவும் விளையாடி 18.2 ஓவர்களில் 3 விக்கெட்டுகள் இழப்பிற்கு 169 ரன்கள் எடுத்து வெற்றி பெற்றது.
கொல்கத்தா அணியில் அங்க்ரிஷ் ரகுவன்ஷி சிறப்பாக விளையாடி 59 ரன்கள் எடுத்து வெற்றிக்கு முக்கிய பங்காற்றினார்.
இந்த வெற்றியின் மூலம் கொல்கத்தா அணி முக்கிய முன்னேற்றத்தை பெற்றுள்ளது. அதேவேளையில், தோல்வி அடைந்தாலும் ஹைதராபாத் அணி புள்ளிப்பட்டியலில் மூன்றாவது இடத்தைத் தக்கவைத்துள்ளது குறிப்பிடத்தக்கது.
