தமிழக பள்ளிக்கல்வி பாடத்திட்டத்தில் நடத்தப்பட்ட 2026 ஆம் ஆண்டு பிளஸ் 2 பொதுத்தேர்வு முடிவுகள் இன்று காலை வெளியிடப்பட்டன. இந்த தேர்வில் பங்கேற்ற மாணவர்களில் 95.2% பேர் தேர்ச்சி பெற்றுள்ளனர்.
இந்த நிலையில், மாநிலம் முழுவதும் மொத்தமாக 16,024 சதங்கள் பதிவாகியுள்ளன. அதாவது, ஏதேனும் ஒரு பாடத்தில் 100க்கு 100 மதிப்பெண்கள் பெற்ற மாணவர்களின் எண்ணிக்கை 16,024 ஆகும்.
பாடவாரியாக முழு மதிப்பெண் பெற்ற மாணவர்களின் விவரம் பின்வருமாறு:
- தமிழ் – 83
- ஆங்கிலம் – 21
- இயற்பியல் – 105
- வேதியியல் – 632
- உயிரியல் – 784
- கணிதம் – 732
- தாவரவியல் – 31
- விலங்கியல் – 18
- கணினி அறிவியல் – 6,945
- வணிகவியல் – 683
- கணக்குப் பதிவியல் – 1,946
- பொருளியல் – 440
- வரலாறு – 282
- கணினிப் பயன்பாடுகள் – 2,099
- வணிகக் கணிதம் மற்றும் புள்ளியியல் – 463
இதில், கணினி அறிவியல் பாடத்தில் அதிகபட்சமாக 6,945 மாணவர்கள் முழு மதிப்பெண் பெற்று சாதனை படைத்துள்ளனர். அதனைத் தொடர்ந்து கணினிப் பயன்பாடுகள் மற்றும் கணக்குப் பதிவியல் பாடங்களிலும் ஆயிரக்கணக்கான மாணவர்கள் சதம் பெற்றுள்ளனர்.
மேலும், ஏதேனும் ஒரு பாடத்தில் 100க்கு 100 மதிப்பெண்கள் பெற்ற அரசுப் பள்ளி மாணவர்களின் எண்ணிக்கை 1,865 என பள்ளிக்கல்வித்துறை தெரிவித்துள்ளது.
இந்த ஆண்டும் தொழில்நுட்பம் மற்றும் வர்த்தகப் பாடங்களில் மாணவர்கள் அதிக அளவில் சாதனை படைத்திருப்பது குறிப்பிடத்தக்கது.
Dhiyanesh
