விசிக, இடதுசாரிகளுடன் ஸ்டாலின் அவசர ஆலோசனை – அரசியல் பரபரப்பு
தவெகவுக்கு ஆதரவு வழங்குவது தொடர்பாக அரசியல் பரபரப்பு நீடிக்கும் நிலையில், விசிக மற்றும் இடதுசாரி தலைவர்களுடன் மு.க. ஸ்டாலின் அவசர ஆலோசனையில் ஈடுபட்டுள்ளார்.
Prasanth Subramani 
தமிழக அரசியலில் பரபரப்பான சூழல் நிலவி வரும் நிலையில், திமுக தலைவர் மு.க. ஸ்டாலின், விசிக மற்றும் இடதுசாரி கட்சித் தலைவர்களுடன் அவசர ஆலோசனையில் ஈடுபட்டுள்ளார்.
தமிழக சட்டப்பேரவைத் தேர்தலில் 108 இடங்களில் வெற்றி பெற்று தனிப்பெரும் கட்சியாக உருவெடுத்த தவெக, ஆட்சியமைக்க தேவையான பெரும்பான்மையை பெற கூடுதல் உறுப்பினர்களின் ஆதரவை நாடி வருகிறது.
இந்த நிலையில், திமுக கூட்டணியில் போட்டியிட்ட காங்கிரஸ் கட்சியின் 5 எம்எல்ஏக்கள் நேற்று தவெகவுக்கு ஆதரவு அளித்தனர்.
மேலும், விடுதலை சிறுத்தைகள் கட்சி, மார்க்சிஸ்ட் கம்யூனிஸ்ட் கட்சி மற்றும் இந்திய கம்யூனிஸ்ட் கட்சி ஆகியவற்றிடம் தலா 2 உறுப்பினர்கள் இருப்பதால், அவர்களின் ஆதரவையும் கோரி தவெக கடிதம் அனுப்பியிருந்தது.
இதற்கு பதிலளித்த மூன்று கட்சிகளும், தங்களது செயற்குழுவில் ஆலோசித்து முடிவு எடுக்கப்படும் என தெரிவித்திருந்தன.
இந்நிலையில், சென்னை ஆழ்வார்ப்பேட்டையில் உள்ள இல்லத்தில் திமுக தலைவர் M. K. Stalin, விசிக தலைவர் Thol. Thirumavalavan, இந்திய கம்யூனிஸ்ட் மாநில செயலாளர் வீரபாண்டியன் மற்றும் மார்க்சிஸ்ட் கம்யூனிஸ்ட் மாநில செயலாளர் சண்முகம் உள்ளிட்டோருடன் திடீர் ஆலோசனையில் ஈடுபட்டுள்ளார்.
இந்த சந்திப்பு, தவெகவுக்கு ஆதரவு அளிப்பது தொடர்பாக நடைபெறுகிறதா என்பது குறித்து இதுவரை அதிகாரப்பூர்வ தகவல் வெளியாகவில்லை.
இதற்கிடையில், அதிமுக ஆட்சியமைப்பது தொடர்பாக திமுகவுடன் மறைமுக பேச்சுவார்த்தை நடைபெறுவதாக தகவல்கள் வெளியான நிலையில், “தவெக ஆட்சியமைக்க திமுக எந்த இடையூறும் செய்யாது” என்று மு.க.ஸ்டாலின் இன்று விளக்கம் அளித்திருந்தது குறிப்பிடத்தக்கது.
