ஆண்டுக்கு 3 இலவச சிலிண்டர்கள்: 2027 பொங்கல் முதல் அன்னபூரணி சூப்பர் 6 திட்டம் அமல்
அன்னபூரணி சூப்பர் 6 திட்டத்தின் கீழ் ஆண்டு வருமானம் ரூ.2.50 லட்சத்திற்கும் குறைவான பின்தங்கிய குடும்பங்களுக்கு ஆண்டுக்கு 3 இலவச எல்பிஜி சிலிண்டர்கள் வழங்கப்படும் என முதலமைச்சர் விஜய் அறிவித்துள்ளார்.
Prasanth Subramani 
ஆண்டு வருமானம் ரூ.2.50 லட்சத்திற்கும் குறைவான பின்தங்கிய குடும்பங்களுக்கு ஆண்டுக்கு 3 இலவச எல்பிஜி சிலிண்டர்கள் வழங்கும் திட்டம் 2027 பொங்கல் முதல் செயல்படுத்தப்படும் என முதலமைச்சர் விஜய் அறிவித்துள்ளார்.
அன்னபூரணி சூப்பர் 6 திட்டத்தின் முதற்கட்டமாக இந்த இலவச எல்பிஜி சிலிண்டர் திட்டம் செயல்படுத்தப்பட உள்ளது. இதன் மூலம் தகுதியான குடும்பங்களின் சமையல் எரிவாயு செலவைக் குறைத்து, அவர்களுக்கு கூடுதல் பொருளாதார நிவாரணம் வழங்குவதே நோக்கமாகும்.
இந்தத் திட்டத்தின் கீழ் தகுதியுடைய பயனாளிகளுக்கு ஆண்டுக்கு 3 இலவச எல்பிஜி சிலிண்டர்கள் வழங்கப்படும். சிலிண்டர்களுக்கான தொகை பயனாளிகளின் வங்கிக் கணக்கில் நேரடியாக வரவு வைக்கப்படும் என தெரிவிக்கப்பட்டுள்ளது.
2027 ஆம் ஆண்டு பொங்கல் முதல் இந்தத் திட்டம் நடைமுறைக்கு வரும் என முதலமைச்சர் விஜய் சட்டப்பேரவையில் அறிவித்துள்ளார்.
இந்தத் திட்டத்தின் மூலம் 1.30 கோடிக்கும் மேற்பட்ட குடும்பங்கள் பயன்பெற உள்ளதாக தெரிவிக்கப்பட்டுள்ளது. திட்டத்தை செயல்படுத்துவதற்காக ஆண்டுக்கு சுமார் ரூ.4,000 கோடி கூடுதல் செலவாகும் என அறிவிக்கப்பட்டுள்ளது.
குறைந்த வருமானம் கொண்ட குடும்பங்களின் அன்றாட குடும்பச் செலவுகளில் சமையல் எரிவாயு முக்கியப் பங்கு வகிக்கும் நிலையில், ஆண்டுக்கு 3 இலவச சிலிண்டர்கள் வழங்கும் இந்தத் திட்டம் அவர்களுக்கு பொருளாதார ரீதியாக உதவியாக அமையும் என எதிர்பார்க்கப்படுகிறது.
2027 பொங்கல் முதல் செயல்படுத்தப்பட உள்ள இந்தத் திட்டம், அன்னபூரணி சூப்பர் 6 திட்டத்தின் கீழ் அறிவிக்கப்பட்டுள்ள முக்கிய நலத்திட்ட நடவடிக்கைகளில் ஒன்றாக அமைந்துள்ளது.
