குஜராத் அதிரடி: பெங்களூரை 4 விக்கெட்டில் வீழ்த்தி அபார வெற்றி
ஐபிஎல் 2026 போட்டியில் குஜராத் அணி, பெங்களூரை 4 விக்கெட்டுகள் வித்தியாசத்தில் வீழ்த்தியது. 156 ரன்கள் இலக்கை 15.5 ஓவர்களில் எட்டியது.
Prasanth Subramani 
ஐபிஎல் 2026 தொடரின் 42-ஆவது போட்டியில், குஜராத் அணி 4 விக்கெட்டுகள் வித்தியாசத்தில் நடப்பு சாம்பியனான பெங்களூரு அணியை வீழ்த்தி வெற்றி பெற்றது.
இந்தப் போட்டியில் டாஸ் வென்ற குஜராத் அணி முதலில் பந்துவீச்சைத் தேர்வு செய்தது. அதன்படி முதலில் பேட்டிங் செய்த பெங்களூரு அணி, சீரான தொடக்கத்தை பெற முடியாமல் தடுமாறியது.
ஜேக்கப் பெத்தெல் 5 ரன்களில் அவுட்டானார். விராட் கோலி 28 ரன்கள் எடுத்தார். தேவ்தத் படிக்கல் 40 ரன்கள் எடுத்து அணிக்காக போராடினார். மற்ற பேட்ஸ்மேன்கள் பெரிய அளவில் பங்களிப்பு வழங்காததால், பெங்களூரு அணி 19.2 ஓவர்களில் 155 ரன்களுக்கு ஆல்அவுட் ஆனது.
குஜராத் அணியின் பந்துவீச்சில் அர்ஷத் கான் 3 விக்கெட்டுகள் வீழ்த்தினார். ஜேசன் ஹோல்டர் மற்றும் ரஷீத் கான் தலா 2 விக்கெட்டுகள் எடுத்தனர்.
இதனைத் தொடர்ந்து 156 ரன்கள் என்ற இலக்கை நோக்கி களமிறங்கிய குஜராத் அணி அதிரடியாக விளையாடியது. சாய் சுதர்சன் விரைவில் அவுட்டானாலும், கேப்டன் ஷுப்மன் கில் 43 ரன்கள் எடுத்து அணிக்கு வலுவான தொடக்கம் வழங்கினார்.
ஜாஸ் பட்லர் 39 ரன்கள் எடுத்து ரன் வேகத்தை அதிகரித்தார். நடுப்பகுதியில் சில விக்கெட்டுகள் சரிந்தாலும், ராகுல் தெவாதியா 27 ரன்கள் எடுத்து அணியை வெற்றிக்கு கொண்டு சென்றார்.
இறுதியில், குஜராத் அணி 15.5 ஓவர்களில் 6 விக்கெட்டுகள் இழப்பிற்கு 158 ரன்கள் எடுத்து 4 விக்கெட்டுகள் வித்தியாசத்தில் வெற்றி பெற்றது.
இந்த வெற்றியின் மூலம் குஜராத் அணி தொடரில் தனது நிலையை வலுப்படுத்தியுள்ளது.
