ஆட்சியமைக்க ஆளுநரை சந்திக்கிறார் விஜய் – அரசியல் பரபரப்பு
தமிழகத்தில் ஆட்சியமைப்பது தொடர்பாக தவெக தலைவர் விஜய் இன்று ஆளுநரை சந்திக்கிறார். பெரும்பான்மை இல்லாத நிலையில் ஆதரவு கோரியுள்ளதாக தகவல்.
Prasanth Subramani 
தமிழகத்தில் ஆட்சியமைப்பது தொடர்பாக, தவெக தலைவர் Vijay இன்று தமிழ்நாடு பொறுப்பு ஆளுநர் R. V. Arlekar அவர்களை சந்திக்க உள்ளதாக தகவல்கள் வெளியாகியுள்ளன.
சென்னையின் கிண்டியில் உள்ள ஆளுநர் மாளிகையில் இன்று பிற்பகல் 3.30 மணிக்கு இந்த சந்திப்பு நடைபெறவுள்ளது. ஆட்சியமைக்க உரிமை கோருவதற்காக விஜய் நேரம் கேட்டுள்ளதாக கூறப்படுகிறது.
நடைபெற்று முடிந்த தமிழக சட்டப்பேரவைத் தேர்தலில், தமிழக வெற்றிக் கழகம் 108 தொகுதிகளில் வெற்றி பெற்றுள்ளது. இருப்பினும், தனிப்பெரும்பான்மை கிடைக்காததால், காங்கிரஸ் உள்ளிட்ட சில கட்சிகளின் ஆதரவைப் பெற முயற்சி நடைபெற்று வருவதாக தகவல்கள் தெரிவிக்கின்றன.
இதற்கிடையில், நேற்று பனையூரில் நடைபெற்ற தவெக எம்எல்ஏக்கள் கூட்டத்தில், சட்டப்பேரவை கட்சித் தலைவராக விஜய் தேர்வு செய்யப்பட்டார்.
மேலும், நாளை சென்னை நேரு உள்விளையாட்டரங்கில் விஜய் முதலமைச்சராக பதவியேற்கும் விழா நடைபெறவுள்ளதாகவும், அதற்கான ஏற்பாடுகள் தீவிரமாக நடைபெற்று வருவதாகவும் கூறப்படுகிறது.
ஆளுநரை சந்திக்கும் போது, சட்டப்பேரவையில் பெரும்பான்மையை நிரூபிக்க ஓரிரு வாரங்கள் அவகாசம் கோரலாம் என்றும் அரசியல் வட்டாரங்கள் தெரிவிக்கின்றன.
இந்த தேர்தலில் திமுக கூட்டணி 73 இடங்களிலும், அதிமுக கூட்டணி 53 இடங்களிலும் வெற்றி பெற்றுள்ளது குறிப்பிடத்தக்கது.
